Европските претставници ја разгледуваат можноста за продолжување на купувањето руски гас во контекст на потенцијалното решение на војната во Украина, пишува „Фајненшл тајмс“.
Како што се наведува во весникот, приврзаниците на идејата за купување руски гас тврдат дека тоа ќе ги намали високите цени на енергенсите во Европа, ќе ја охрабри Москва да седне на преговарачка маса и ќе им даде причина на двете страни да го спроведат и одржат прекинот на огнот.
Идејата ја поддржаа некои претставници во Германија и Унгарија, со поддршка од други престолнини, кои ја гледаат како начин за намалување на трошоците за енергија во Европа, изјавија тројца еупретставници.
Но, во исто време, дури и прелиминарен разговор за идејата зџа обновување на испораката на руски гас во Европа, би предизвикала остра реакција кај најблиските сојузници на Украина во ЕУ.
