Лидерите на четирите политички групи кои го претставуваат мнозинството избрани членови на Европскиот парламент (ЕП) денеска повикаа на „удвоен напор“ во одбраната на Украина и европската безбедност.
„Европа повеќе не може да зависи само од САД за да ги бранат своите вредности и заеднички интереси“, се вели во ретката заедничка изјава на лидерите на десницата, левицата, еколозите и центарот.
Соочени со американско-руската дипломатска офанзива за ставање крај на војната во Украина, „Европската унија и нејзините земји-членки немаат друг избор освен веднаш да дејствуваат“, се вели во соопштението.
Најавата за отворање на преговорите меѓу Вашингтон и Москва за прекин на непријателствата во Украина силно погоди многу европски лидери, загрижени дека нема да бидат вклучени.
Според лидерите на четири групи европратеници, неопходно е „да се соочиме со новата реалност и да се удвојат напорите за одбрана на Украина и европската безбедност“.
Нашите групи се свесни за итноста и потребата да се реагира брзо за да се обезбедат потребните ресурси за нашата одбранбена политика“, се вели во соопштението.
ИЗДВОЕНИ
Меџити: Минчев да не го копира Апасиев – му се допаѓало или не, правичната застапеност на Албанците е уставна категорија
„Дипломатија на втор колосек“: Тајни средби во Швајцарија за ставање крај на војната во Украина
Сиљановска Давкова: Химната одразува историја и не треба да се менува, менување на грбот се плашам дека ќе предизвика нови страсни конфликти
Со Јоце Панов пред гала концертот за Осми март: „Во туѓина” ги допре срцата на сите нашинци кои се далеку од родната грутка
