Експлозијата во Генералниот конзулат на Руската Федерација во Марсеј има знак на терористички напад и Москва бара темелна истрага од Франција, изјави денеска портпаролката на руското Министерство за надворешни работи, Марија Захарова.
„Експлозиите на територијата на рускиот генерален конзулат во Марсеј ги имаат сите обележја на терористички напад. Бараме државата што ги акредитира да преземе сеопфатни и брзи мерки за истрагата, како и чекори за зајакнување на безбедноста на руските странски мисии“, рече Захарова, пренесува ТАСС.
Рускиот генерален конзул во Марсеј Станислав Орански потврди претходно денеска за порталот Марсеј дека утринава се случила експлозија во внатрешноста на конзулатот, но дека нема жртви.
Повикувајќи се на извори од противпожарната бригада, порталот наведува дека полицијата ја опколила областа околу конзулатот. Не е познато дали овој инцидент е поврзан со одбележувањето на третата годишнина од почетокот на војната во Украина.
ИЗДВОЕНИ
Нова германска дипломатија: Западен Балкан да добие перспектива во ЕУ
Три години руска инвазија: Колку се промени Украина?
Фридрих Мерц стана најстариот германски канцелар во поновата историја: Кој е политичарот со два животи?
Почнува втората фаза од преговорите помеѓу САД и Русија: Една тема е во фокусот, откриен и датумот кога ќе се одржат
