Експлозија на три празни автобуси на различни паркинзи во град во Израел – полицијата се сомнева на координиран терористички напад

Израелската полиција истражува повеќе експлозии во кои учествувале три автобуси во Бат Јам, град јужно од Тел Авив, во, како што се сомнева, координиран терористички напад.

Инцидентот се случил вечерва, а пријавени се експлозии на различни паркинзи низ градот.

Три празни автобуси експлодираа на посебни паркинзи во Бат Јам и засега нема информации за повредени.

Окружниот полициски командант на Тел Авив одржа прес-конференција, на која изјави дека 5-те експлозиви пронајдени вечерва во автобусите низ градот, од кои 3 биле активирани, а 2 биле разоружани, се верува дека потекнуваат од Западниот Брег, во кои имало експлозив со тајмер, како и белешки на хебрејски и арапски.

Според локалните медиуми, на една од неексплодираните направи, тешка 5 килограми, стои пораката „Одмазда од Тулкарем“, што се однесува на неодамнешната антитерористичка операција на израелската армија на Западниот Брег.

Како одговор на инцидентите во Бат Јам, министерот за одбрана Израел Кац рече дека и дал инструкции на војската да го „зголеми интензитетот“ на активностите во бегалските кампови на Западниот Брег.

На местото на настанот се распоредени силни полициски сили, а во тек е потрагата по осомничените, јавуваат израелските медиуми.

Two buses in the city of Bat Yam (next to Tel Aviv) exploded while empty, within a short time of each other—apparently due to an explosive device.

Shin Bet is investigating the incident, which currently appears to be an attempted of terror attack. Extremely unusual. pic.twitter.com/YHwh6VFYQM

— Ori Miller🇮🇱 (@orielishamiller) February 20, 2025

Единиците за деминирање го пребаруваат теренот за дополнителни сомнителни предмети.

Во истрагата е вклучена агенцијата за безбедност Шин Бет. Израелскиот премиер Бенјамин Нетанјаху добива ажурирања за ситуацијата, се вели во соопштението на неговиот кабинет.

На возачите на автобуси низ Израел им е наредено да ги запрат своите линии и да ги прегледаат возилата за сомнителни предмети.

Сообраќајот на возовите во Бат Јам исто така е привремено прекинат. Се повикуваат луѓето да ги избегнуваат погодените области и да бидат внимателни.

Градоначалничката на Бат Јам, Цвика Брот ги увери жителите дека властите работат на исклучување на какви било понатамошни закани. Инцидентот се уште е под истрага, а се очекуваат повеќе детали како што се развива ситуацијата.