Експерти од целиот свет се обидуваат да разберат како дошло до судир меѓу авионот и воениот хеликоптер во Вашингтон, и покрај софистицираниот систем за контрола на воздушниот простор.
„Јасно е, кога ќе ги погледнеме траекториите на авионите и радио комуникациите, дека на Black Hawk му било наложено да одржува визуелна одвоеност од летот 5342 поради некоја причина, и сè уште не знаеме која е таа причина“, рече Тони Стентон од австралиските воздухопловни сили за CNN.
Тој истакна дека како истражител конкретно ќе испита зошто екипажот на Блек Хок не ги следел упатствата што ги добиле. Според официјалните информации, воениот хеликоптер бил на тренажен лет во моментот на судирот, потврдила за Си-Ен-Ен портпаролката на Здружената оперативна група на Националната престолнина регионот Хедер Чаирез.
Стентон додаде дека контролната кула во Вашингтон се разликува од многу други бидејќи користи две радиофреквенции, едната за комуникација со хеликоптери, а другата за авиони.
„Во овој случај, „Блек Хок“ комуницираше со кулата на една фреквенција, додека летот 5342 беше на друга, што можеше да создаде бариера во свеста на пилотите за ситуацијата“, објасни тој.
Градоначалничката на Вашингтон, Муриел Бузер, потврди дека и двата авиони биле во вода по судирот и дека во авионот на Американ ерлајнс имало 64 лица, додека во воениот хеликоптер имало три лица.
„Приоритет сега е спасувањето на луѓето и сите наши служби се ангажирани во тоа“, рече таа.
Двајца светски шампиони во уметничко лизгање од Русија се наоѓале во патнички авион, јави руската државна новинска агенција ТАСС.
