Околу 50 државни факултети во Србија официјално се во блокада, а секојдневно им се приклучуваат нови. Солидарност со белградските студенти кои ја започнаа блокадата на факултетот доаѓа од градовите низ регионот. Студентите од Риека, Загреб и Љубљана ја изразија својата поддршка за своите колеги преку различни форми на акции, писма за поддршка и јавни изјави.
Студентите на Филозофскиот факултет во Загреб повикаа на солидарност со студентите во Србија.
Како што посочуваат на својата страница на социјалните мрежи, денеска, како поддршка на борбата на студентите од Србија, од 11:52 до 12:07 часот ќе се соберат пред нивниот факултет со порака – „Еден свет, една борба!”
„Почитувани колеги, веруваме дека повеќето од вас се запознаени со последните настани и блокадата на повеќе од 40 факултети во Србија. Со цел да ја покажеме нашата солидарност со студентите во Србија и да ги поддржиме барањата на нашите колеги, ве повикуваме сите да се собереме денеска пред Филозофскиот факултет во Загреб со 15-минутно молчење од 11.52 до 12.07 часот и да ги поддржиме нашите колеги и нивните борба, по најавената акција на студентите од Риека. Ќе се видиме“, се вели во нивното соопштение.
Studenti Filozofskog Fakulteta u Zagrebu pozvali na solidarnost sa studentima u Srbiji. U znak podrške njihovoj borbi sutra od 11:52 do 12:07 okupljaju se ispred svog fakulteta uz poruku – Jedan Svijet, jedna borba! pic.twitter.com/eeXV6Zcnrt
— Lupiga.Com (@LupigaCom) December 12, 2024
Инаку, студентите во Србија добија поддршка од колегите од Филозофскиот факултет во Риека, од Факултетот за политички науки од Загреб и од Универзитетот во Љубљана.
Поддршка на колегите од Србија пристигна и од студентите од Бања Лука.
