Германскиот ракометен репрезентативец Уве Генсхајмер се прости пред 13.000 фанови во САП Арената во Манхајм, каде Ол-стар тимот играше против Рајн Некар Левен, клубот во кој Генсхајмер го мина најголемиот дел од кариерата и каде е спортски директор.
Натпреварот заврши со победа на Ол-стар тимот (38:36), што го избра Генсхајмер и за кој го постигна последниот гол на натпреварот од седмерец. Последниот официјален натпревар за Левен, Германецот го одигра на 30 мај минатата година.
Генсхајмер како ракометар помина 17 години во РНЛ и три во ПСЖ, каде беше соиграч на најголемите ѕвезди Никола Карабатиќ и Микел Хансен.
Во Бундеслигата, Генсхајмер одигра 435 натпревари, постигна 2.438 гола, ги освои шампионатот и купот, четири пати беше ракометар на годината, а со германската репрезентација е освојувач и на бронзен олимписки медал.
ИЗДВОЕНИ
Дополнително зголемување на минималецот од 1.000 до 9.000 денари, ако државата ги плати придонесите
Решението за високите цени ќе чека во фиока до понеделник
Дурмиши обвинува за набавка на софтвер од над два милиони денари кој не бил ставен во функција
Излезе на ,,виделина,, криминалот на екс директорот Пеце Мирчевски
