Е. Пелистер ги доби противниците во младинската ЛШ

Европската ракометна федерација (ЕХФ) ги обелодени деталите за првото издание на младинската Лига на шампионите.

По првичната идеја три клуба го откажаа своето учество во групната фаза (Алборг, Фредериција, Колштад) и на нивно место повикани се ГОГ Гудме, Војводина и Савехоф.

Македонија ќе ја претставува Еурофарм Пелистер, кој ќе игра во групата 4 во Букурешт, заедно со Киелце, Висла Плок и домаќинот Динамо Букурешт.

Само победниците од групите ќе се пласираат на младинскиот завршен турнир во Келн. Групната фаза ќе се одигра на 17 и 19 април 2025 година. Во натпреварите од младинската Лига на шампиони можат да настапат ракометари до 18 години и помлади. Екипата на Еурофарм Пелистер ќе ја водат тренерите Фарук Мемиќ и Кире Митревски.