Вчера американскиот државен секретар Марко Рубио се појави на Фокс њуз со крст на челото, одбележувајќи ја Чистата среда, со која католиците го означуваат почетокот на постот.
Католичката традиција налага на Чиста среда свештеникот да попрска со пепел по главите на верниците или да направи крст на нивните чела со пепел. Во христијанската традиција, посипувањето со пепел означува покајание и подготвеност за нов живот.
Родителите на Марко Рубио емигрирале од Куба во САД во 1956 година, две години пред да дојде на власт Фидел Кастро. Наскоро тие се приклучија на мормонската црква. Католичките медиуми во САД јавуваат дека тие подоцна ја напуштиле мормонската црква по наговор на нивниот син и се вратиле во католицизмот.
Рубио бил крстен и венчан во Католичката црква, но подоцна, заедно со неговата сопруга, станал член на евангелистичка мегацрква. Во текот на следните години, како што рече, почнал да копнее по светата тајна Причест, па се вратил во Католичката црква.
За време на неговата посета, Рубио повтори дека администрацијата на Трамп сака да стави крај на војната во Украина.
„Ние сме среќни и привилегирани што имаме претседател кој сака, ако е можно, да стави крај на конфликтот што чинеше милијарди долари и стотици илјади животи, како и уништување од кое на Украинците и на другите ќе им треба една генерација да се опорават“, рече Рубио.
U.S. Secretary of State Marco Rubio draws a cross on his forehead during a press conference to discuss Trump’s positions. pic.twitter.com/YWdBTJKfzi
— Hanzo (@HanzoNasan) March 6, 2025
ИЗДВОЕНИ
Македонија со шестмина атлети на Специјалната Олимпијада во Торино
Трамп планира да го одземе правниот статус на 240.000 Украинци во САД, можна е забрзана депортација
Низ „виенската врата“ во средината на март се враќа зимата
Tрамп најави неколку иницијативи за зајакнување на националната одбрана, се отвора нова канцеларија – „ќе ја воскреснеме индустријата“
