Американската државна обвинителка ги обвини федералните истражители дека затаиле илјадници документи поврзани со сексуалниот престапник Џефри Епштајн и побара од ФБИ да ги објави сите информации до петок наутро.
Во јавното писмо, државната обвинителка Пем Бонди побара од директорот на ФБИ, Каш Пател, исто така да истражи зошто агенцијата задржала илјадници документи поврзани со истрагата за Епштајн. Бонди во четвртокот го објави „првиот дел“ од декласифицираните досиеја, но тие не содржат нови наводи за Епштајн или откритија за неговите соработници, јавува Би-Би-Си.
Епштајн беше уапсен во јули 2019 година под обвинение за сексуална трговија и умре додека го чекаше судењето.
Јавната обвинителка бара сите информации поврзани со Епстајн да бидат предадени до 8:00 часот по EST (13:00 часот по Гринич) во петок „без оглед на тоа како се добиени“.
„Доцна вчера, од извор дознав дека канцеларијата на ФБИ во Њујорк поседува илјадници страници документи поврзани со истрагата и обвинението против Епштајн“, напиша таа во писмото. „И покрај моите повеќекратни барања, ФБИ никогаш не го откри постоењето на досието“.
The FBI is entering a new era—one that will be defined by integrity, accountability, and the unwavering pursuit of justice. There will be no cover-ups, no missing documents, and no stone left unturned — and anyone from the prior or current Bureau who undermines this will be…
— FBI Director Kash Patel (@FBIDirectorKash) February 27, 2025
