Долги години на паркетот во НБА доминираат Лука Дончиќ и Никола Јокиќ, а сега славниот НБА-кошаркар, Џеф Тиг, даде коментар за нив, и тоа на урнебесен начин.
Џеф гостуваше во поткастот „Клуб 520 наутро“ и по тој повод зборуваше за различните актуелни случувања во најсилната кошаркарска лига во светот, а во еден момент се осврна и на маестралната партија на Никола Јокиќ на натпреварот против Далас.
- Јокиќ и Лука, ако ги погледнете, навистина не личат на типични кошаркари. Лука изгледа како да пуши пури и да пие пиво. И навистина го прави тоа. Да, и Јокиќ изгледа исто. Изгледаат како да пушат пури и да пијат пиво, но, сепак, се меѓу најдобрите играчи во лигата. Тоа е лудо! Тие се премногу талентирани. Тие се многу повешти од другите во НБА – истакна Тиг.
