ДОНЧИЌ ШОКИРАН: Не можеше да верува што го прашал Леброн Џејмс

По шокантниот потег на управата на Далас Маверикс, која реши да го испрати Лука Дончиќ во Лос Анџелес Лејкерс, а во спротивна насока дојде Ентони Дејвис (кој веднаш се повреди), словенечкиот репрезентативец дебитираше за славниот тим од Калифорнија – и призна дека бил во шок пред мечот.

Имено, како што пренесува „Јутарњи лист“, 25-годишниот Дончиќ по дебито за Лејкерси откри колку бил воодушевен од симболот на клубот, кој е 15 години постар од него. А, го воодушеви веднаш откако станаа соиграчи.

Имено, Леброн Џејмс му ја даде честа да биде претставен последен од сите играчи на Лејкерс, што по непишано правило е резервирано за најголемата ѕвезда.

LeBron texted Luka and gave him the choice on where he wanted to be announced during the starting lineups ahead of his Lakers debut 💜

Luka told LeBron tonight he would like to go last and then it can go back to the old order 👏

(via @mcten) pic.twitter.com/xvu8e3ueHM

— SportsCenter (@SportsCenter) February 11, 2025

„На денот на мојот прв натпревар за Лејкерси ми испрати порака во која ме праша кога сакам да бидам објавен на претставувањето на играчите. Сам да изберам! Фактот што ме контактираше е неверојатен и покажува каква личност е тој. Тој ми дозволи да го имам мојот момент и навистина го ценам тоа“, изјави словенечкиот интернационалец.

„Кралот на кошарката“ ги воодушеви навивачите и со својот говор пред натпреварот, кога пред насобраните соиграчи му порача на Дончиќ:

„Не се обидувај да ја промениш твојата игра или да се адаптираш. Лука, биди свој!

“Luka, be your f*cking self. Don’t fit in, fit the f*ck out.”

LeBron James to Luka Doncic before his debut with the Lakers 🔥

(via @SportsCenter)pic.twitter.com/87RG5QHtOE

— ClutchPoints (@ClutchPoints) February 11, 2025

А, Дончиќ го одигра првиот натпревар за Лејкерси. И веднаш призна дека „одамна немав таква нервоза на теренот кога почна натпреварот“. Веројатно дека тоа е причината зошто тој навистина не блескаше како обично.