Дончиќ само што се врати од повредата: ‘Рѓосан сум, ми треба одмор

Само што се врати од повредата која ја имаше, Лука Дончиќ порача дека му треба дополнителен одмор. Во текот на зимава, Словенецот се пресели од Далас во Лос Анџелес Лејкерс, каде што веќе одигра и неколку натпревари за „езерциите“, а по натпреварот против Јута, порача дека му е потребен одмор.

• Како ‘рѓосан сум. Втор натпревар по повредата. Грешки, промашени слободни фрлања. Морам да работам многу подобро, изјави Дончиќ по натпреварот.

Тој истакна дека едвај ја чека паузата за Ол-стар бидејќи нема да биде дел од настанот во Сан Франциско поради недоволниот број одиграни натпревари.

• Потребен ми е одмор, пред сè психички, но сепак треба да работам. Возбуден сум поради оваа пауза и едвај чекам да се вратам на теренот, изјави Словенецот.

На прашањето како се чувствува и како напредува по повредата на потколеницата, тој рече: „Добро е. Сè уште се враќам во ритамот. Не можете да ги вежбате работите пет на пет до крај како што правите во текот на натпреварот. Среќен сум што се вратив и се обидувам да победам и се обидувам да ја играм мојата игра“.