Лука Дончиќ пристигна во тимот на Лос Анџелес Лејкерс каде што ги имаше првите импресии. Тој не сакаше да биде трејдуван кај „езерџиите“, сакаше да остане во Далас до крајот на кариерата, но сега и официјално е соиграч на Леброн Џејмс. На прес-конференција ги истакна првите впечатоци, а воедно откри како се чувствувал во моментот кога слушнал дека е трејдуван во Лејкерс, бидејќи Далас имал тајни преговори со клубот од градот на „ангелите“. Тој ги демантираше приказните дека имал 122 килограми и дека тоа е причината поради која Далас го трејдувал во ЛА. Тој во друштво на генералниот директор Роб Пелинка објасни дека не ја разбира одлуката на неговиот поранешен тим и уште еднаш нагласи дека сака да ја заврши кариерата во Далас.
- Итноста е дадена во оваа работа, секогаш е дадено дека сакате титула, тоа е она што треба да го прават Лејкерси, тоа е она што го сакаат нашите навивачи и тоа е она што сите сакаме да го правиме. Од друга страна, треба да бидете реални. Ќе продолжиме да работиме и да истражуваме се за да го зајакнеме тимот. Со кој досега се играше, како ги гледа работите, ќе продолжиме да разговараме, започна на пресот Пелинка, па додаде:
- Знаеме дека треба уште да работиме на нашиот список за да го комплетираме. Ќе изградиме тим што ќе ја следи кошаркарската филозофија на нашиот тренер Џеј Џеј Редик. Ние веруваме во тоа и за да го постигнеме тоа, постојано работам со тренерот. Знаеме дека ни треба центар на долг рок, додаде генералниот менаџер на Лејкерс.
Потоа започна и Дончиќ, а прво ја спомена повредата која ја имаше.
- Првиот пат се одморив и бев трпелив при закрепнувањето. Обично брзав да се вратам на теренот по повреда, но сега сум блиску до враќање на теренот и 100 отсто подготвен, изјави Дончиќ.
Потоа додаде дека приказните за килограмите не се вистинити, односно дека не тежи 122 килограми.
- Знам дека тие приказни не се вистинити. Тоа е мојата мотивација. Пристигнав во најголемиот клуб во историјата на спортот и тоа е мојата мотивација да бидам тука долго време, да освојувам титули. Не доаѓате овде за ништо друго освен за титулата. Сакам да докажам сè и мојата цел е да ја освојам титулата, започна Лука.
Потоа проговори што мисли за менаџментот на Далас, кој го трејдуваше за Ентони Дејвис преку ноќ.
- Тоа е нивна одлука и немам коментар за тоа. Не знам зошто ја донеле, но ништо не можам да направам за тоа. Мислев дека ќе останам до крај. Мислев дека ќе играм во Далас до крај, лојалноста ми е многу важна, но ова е нов почеток за мене. Имам океан овде, тоа е голема работа за мене. И повторувам, возбуден сум и среќен бидејќи сум со Лејкерси, имаше многу легенди тука, многу титули, тоа е мојата цел, додаде Словенецот.
Дончиќ спомена дека се слушнал и со Леброн Џејмс по завршениот трејд.
- Леброн веднаш ми се јави, тој беше во Њујорк и веднаш ми се јави. Не разговаравме многу, разбира како се чувствувам, но беше убаво од него што ми се јави и ми посака добредојде, вели Дончиќ.
Потоа откри како дошло до овој трејд.
- Сите беа изненадени, па можете да замислите колку јас бев изненаден. Се започна со едно кафе во Далас, каде што генералниот директор на Далас ни ја даде оваа идеја. Со оглед на тоа што двајцата соработувавме тесно со Коби, меѓу нас беше изградена доверба. Знаевме колку ќе биде тешко, и така беше. Разговаравме како партнери, за тоа кој победи – а кој загуби. Постигнавме договор и се обврзавме на дискреција. Да немаше таква доверба, ова немаше да функционира. Искрено, ми беше тешко. Тој прв ден беше многу тежок. Последните 48 часа ми беа како цел месец. Но, секој ден е се подобро. Среќен сум што сум тука, што ја имам оваа можност, Лејкерси се еден од најголемите тимови во светот и возбуден сум што сум тука, заврши плејмејкерот.
