„Ви благодарам на сите, ова е одлично. Напишавме историја вечерва. Ова е политичко движење што никој досега не го видел. Ова е најголемото политичко движење на сите времиња. Никогаш немало вакво движење во Америка. И сега ќе достигнеме нови височини. Трамп рече дека ова движење ги надмина пречките за кои многумина не мислеа дека е невозможно да се надминат. „Ова е политичка победа каква што Америка никогаш не видела. Сакам да му се заблагодарам на американскиот народ за поддршката“, рече тој.
„Ќе се борам за вас, вашите семејства, вашата иднина. Нема да застанам додека не испорачаме силна и просперитетна Америка. Ова ќе биде златно доба за Америка“, додаде тој.
„Ние ја презедовме контролата врз Сенатот. Тоа е одлично. Бројот на победи во Сенатот е апсолутно голем. Ниту тоа не се очекуваше, па затоа сакам многу да ви се заблагодарам за тоа. Имаме нови сенатори, одлични сенатори“, тој рече.
Трамп додаде дека победил во Северна Каролина, Џорџија, Пенсилванија, Висконсин, а дека победува во Мичиген, Аризона, Невада, Алјаска, велејќи дека ќе освои 315 електорски гласови.
Тој истакна дека децата во Америка заслужуваат безбедна Америка и дека ова е ново златно доба во САД.
– Победивме и во Северна Каролина, Џорџија, Пенсилванија… Победуваме во Мичиген и Висконсин. Ќе имаме 350 изборни гласови. Немаше друг начин да се победи. Ги освоивме и гласовите на народот, не само на избирачите. Овие прекрасни луѓе покрај мене ми помогнаа да постигнам победа. Се надевам дека еден ден ќе се сеќавате на овој момент, и ќе го запомните како одличен момент кога се се смени – рече Трамп.
Трамп им се заблагодари на новоизбраниот потпретседател Џеј-Ди Венс и неговата сопруга. „Сакам да бидам првиот што ќе му честитам на сегашниот потпретседател Џеј-Ди Венс“, рече Трамп.
Заблагодарувајќи им се на своите соработници, тој се заблагодари и на сопругата Меланија Трамп, која ја нарече прва дама.
Накратко зборуваше потпретседателот на Трамп, Џеј Ди Венс. кој му се заблагодари на Трамп за довербата.
