Доларот е главна жртва на американските царини

Доларот падна на најниско ниво во последните три години, откако економскиот советник на Трамп сугерираше дека американскиот претседател сака да го смени претседателот на Федералните резерви.

Острите критики на Доналд Трамп кон Џером Пауел го намалија доларот за 1,1 отсто во понеделникот, на најниско ниво во последните три години во однос на кошницата од шест главни валути, бидејќи инвеститорите станаа загрижени за независноста на американската централна банка.

Сите валути на Г10 зајакнаа во однос на доларот, при што фунтата порасна за 0,6 отсто на 1,33 долари, додека цената на златото достигна нов рекорд, соборувајќи го нивото од 3.385 долари за унца. Инвеститорите се повеќе се свртуваат кон безбедни средства поради стравувањата од економската политика на Трамп и неизвесноста околу трговската војна.

Во исто време, доларот падна на најниско ниво во последните десет години во однос на швајцарскиот франк, додека еврото зајакна на 1,15 долари – највисоко ниво од ноември 2021 година.