Претседателот на Република Српска, Милорад Додик, рече дека сè уште не одлучил дали ќе оди во Судот на БиХ на изрекувањето на пресудата на 26-ти февруари.
-Ако имаше право и правда, судењето не требаше да се случи. Единствено што требаше да се случи е Судот на БиХ да не го потврди обвинението испратено од Обвинителството на БиХ – изјави претседателот на Република Српска во разговор со уредниците на медиумите во Палатата на Република Српска, нагласувајќи дека не е должен да се појавува во судот, пренесува РТРС.
Додик истакна дека нема да биде изненаден доколку сега во Сараево се вршат разни закани и притисоци против судијката Сена Узуновиќ да донесе пресуда за вина. Тој, исто така, откри дека има информации дека поранешниот американски амбасадор Мајкл Марфи издејствувал кај ЕУФОР да го уапси.
Претседателот на РС вели дека промените во американската администрација се случуваат брзо. Тој очекува дека овие промени би можеле да се одразат и во укинувањето на санкциите против раководството на РС.
Тој рече дека има неколку канали за комуникација со новата американска администрација.
ИЗДВОЕНИ
Меџити: Минчев да не го копира Апасиев – му се допаѓало или не, правичната застапеност на Албанците е уставна категорија
„Дипломатија на втор колосек“: Тајни средби во Швајцарија за ставање крај на војната во Украина
Сиљановска Давкова: Химната одразува историја и не треба да се менува, менување на грбот се плашам дека ќе предизвика нови страсни конфликти
Со Јоце Панов пред гала концертот за Осми март: „Во туѓина” ги допре срцата на сите нашинци кои се далеку од родната грутка
