Министерството за надворешни работи на Азербејџан на својот официјален профил на „Х“ објави видео од авионот, кој вчера се урна во Казахстан, на кој се слуша гласот на стјуардесата Хокума Алиева (33) како ги охрабрува патниците додека нејзините колеги се обидуваат да го пренасочат авионот и да го приземјат на безбеден начин.
Во описот на видеото се наведува дека снимката е објавена за „никогаш да не биде заборавен гласот на Хокума, која служела професионално“.
„Гласот на Хокума Алиева, која професионално служеше до последната минута од трагичната авионска несреќа, нема да биде заборавен, уверувајќи ги патниците дека „се ќе биде во ред““, се наведува во описот.
The voice of Hokuma Aliyeva, who professionally served to the very last minute of the tragic aircraft crash, assuring passengers that “everything will be fine,” will not be forgotten.
Today, nationwide day of mourning in remembrance of the tragedy’s victims is observed.
Allah… pic.twitter.com/E73u5jxRut
— Azerbaijan (@Azerbaijan) December 26, 2024
Мајката на загинатата стјуардеса Камала Алијева вели дека Хокума и претходно за малку ќе доживеала авионска несреќа.
– Работеше за Азербејџан Ерлајнс од 2016 година: Хокума беше весела личност. Посетуваше многу земји и секогаш ни велеше да се гордееме со неа. Еднаш, по враќањето од патување, рече дека нивниот авион за малку ќе се урнел… Овој пат дошло до несреќа, а ќерка ми не преживеа- изјавила Камала.
