Директорката за национално разузнавање на САД, Тулси Габард денеска изјави дека ги укинала безбедносните сертификати на поранешниот американски државен секретар Ентони Блинкен и поранешниот советник за национална безбедност Џејк Саливан, по наредба на американскиот претседател Доналд Трамп.
Габард, исто така, во објава на платформата „Х“ напиша и дека претседателскиот дневен брифинг „повеќе не му се обезбедува“ на поранешниот американски претседател Џозеф Бајден. „Ги отповикав безбедносните сертификати и одбив пристап до доверливи информации за Ентони Блинкен, Џејк Саливан, Лиза Монако, Марк Зеид, Норман Ајзен, Летиција Џејмс, Алвин Брег и Ендрју Вајсман, заедно со 51 потписник на писмото за „дезинформации“ на Хантер Бајден“, рече Габард, пренесува Танјуг.
Претходно, 51 поранешен претставник на американското разузнавање потпишаа писмо во кое ја осудуваат истрагата против Хантер Бајден, син на поранешниот американски претседател Џозеф Бајден, поради содржината на неговиот лаптоп.
