Дињо е обвинет дека фотографирал 72-годишна жена гола под туш

Легендарниот Роналдињо, според фановите, флертувал со 72-годишна актерка од Аргентина, но се чини дека тоа не е вистина.

Аргентинската актерка Грасиела Алфано ги подгреа гласините за наводна афера со заедничка фотографија со Бразилец во фоајето на еден хотел.

Веднаш потоа објави фотографија на која е гола под туш, а фановите на Бразилецот се сомневаа дека оваа фотографија е направена од самиот Роналдињо, но тоа не е така.

Грасиела на таквите шпекулации одговорила дека тоа го направила една од девојките во хотелот.

“Ме прашаа неговите обожаватели, бидејќи само што го запознав, но луѓето измислуваат работи. Се фотографирав со Роналдињо во лифт и сите мислеа дека ме фотографира додека бев гола под туш. Тоа всушност го направи една девојка. Таа направи добра слика. Стана вирална, ми се допадна”, изјави 72-годишната Аргентинка.

Инаку, Алфано стана популарна во доцните 1970-ти и раните 1980-ти со појавување на телевизија. Во моментов, Аргентинката има повеќе од милион следбеници на Инстаграм, каде што редовно објавува провокативни фотографии и видеа.

Секако, таа е далеку од популарноста на Роналдињо, кој важеше за еден од најдобрите играчи на својата генерација. Легендата на Барселона и Бразил има 45 години, а наскоро ќе стане дедо бидејќи сопругата на неговиот син е бремена.

Славниот Бразилец имаше импресивна кариера, а играше за Гремио, ПСЖ, Милан, Барселона, Фламенго, Атл. Минеиро, Керетаро и Флуминенсе каде ја заврши кариерата пред 10 години.

За бразилската репрезентација одигра 97 натпревари и постигна 33 гола. Со репрезентацијата беше светски шампион во 2002 година, а како играч на Барселона двапати беше избран за најдобар играч на светот.