Американскиот потпретседател Џеј Ди Венс во рамки на посетата на Рим имаше „кратка средба“ со папата Франциск во папската резиденција каза Санта Марта во Ватикан, пренесоа американските медиуми.
Во извештаите се наведува дека средбата се случила „во момент на затегнати односи меѓу Ватикан и Вашингтон“ поради антиимиграциските мерки кои ги воведе американскиот претседател Доналд Трамп и намалувањето на меѓународната помош, пренесува Скај Њуз.
Џеј Ди Венс, кој е во Рим со своето семејство, се сретна и со вториот човек на Ватикан, кардиналот Пјетро Паролин, како и со министерот за надворешни работи, надбискупот Пол Галагер.
Ватикан соопшти дека имало „размена на мислења“ за меѓународните конфликти, мигрантите и затворениците.
Се оценува дека двете страни имале „срдечни разговори“, а Ватикан изразил задоволство од посветеноста на американската администрација за заштита на слободата на вероисповед и совест.
Папата Франциск неодамна ги нарече „срамни“ плановите на Трамп за спроведување масовни депортации.
ИЗДВОЕНИ
Велигден во светот се слави на неверојатни начини: Од тркалање јајца, до кршење садови и летање змејови
Нема повредени во судирот меѓу воз и автомобил кај скопско Зелениково, информираат од МВР
Г.г. Стефан: Ништо друго не може да ни даде сила и утеха освен надежта во воскресението
Христијаните го слават Велигден
