„Денот на американското ослободување“ на Трамп го збуни светот

Работите не изгледаат добро за светот, ако може да му се верува на вртоглавиот скок на цената на златото овие денови. Имено, вчера, унца злато (31,103 грама) чинеше 3.133 американски долари. Во првиот квартал од оваа година унца од „жолтиот метал“ поскапе за 18 отсто, тренд кој не е забележан од 1986 година. Берзите проценуваат дека предметната унца може лесно да ја достигне вредноста од 3.500 доларии пред крајот на 2025 година. 

Овој аларманетен тренд на раст на финансиската вредност на легендарното „жолто“ засолниште на инвеститорите во проблематични времиња е една од директните последици на општата, глобална неизвесност во однос на претстојниот царински режим на Соединетите Американски Држави кон „сите земји во светот“.

Шефот на Белата куќа на САД, Доналд Трамп, ќе го објави овој царински режим денеска, 2 април, на она што тој лично го прогласи за „Ден на американското ослободување“.

Вчера сè уште беше сосема неизвесно колку „реципрочните американски царини“ ќе ја погодат која земја поради, како што инсистира Трамп, долгогодишните нефер трговски односи на „другите“ со САД.

Според последните сигнали од Вашингтон, покрај најавените конкретни одмазднички царини за секоја земја што тргува со Америка, се чини дека е во игра и „општа царина“ од 20 проценти за целиот увоз во САД.

Во финишот пред лично прогласениот „Ден на американското ослободување“, Доналд Трамп нагласува дека САД сепак ќе бидат „пофини“ во воведувањето царини, во споредба со многу земји.

„Претстојните царини се реципрочни. Што тие ќе ни наметнат (американски извоз), ние ќе им наметнеме нив. Тие нè искористија, но ќе бидеме многу фини во споредба со нив. Бројките ќе бидат пониски од она што ни го наплаќаа, во некои случаи може да бидат значително помали“, објави Трамп.

Во врска со гореспоменатите шпекулации за линеари „20 проценти“ на целиот увоз и тоа денеска, шефот на Белата куќа остана мистериозен како вчера.

„Ќе видите во следните два дена“, навести Трамп.