Американскиот сенатор од редовите на Демократската партија Кори Букер постави нов рекорд во американскиот Сенат, држејќи говор повеќе од 25 часа без прекин, протестирајќи против политиките на Доналд Трамп.
Демократот од Њу Џерси излезе на говорницата во Сенатот во понеделникот вечерта и заврши дури по 25 часа и пет минути. Тој веќе го собори претходниот рекорд по 24 часа и 19 минути, што предизвика овации во салата.
Според правилата на Конгресот, сенаторот може да зборува колку сака, под услов да не го изгуби гласот и да нема посебни ограничувања на дебатата. Сенаторите мора да стојат и можат да прават само минимални паузи за време на нивните забелешки.
– Се исправам овде со намера да го нарушам нормалниот тек на работа во Сенатот на САД, и ќе стојам додека сум физички способен. Се исправам вечерва, затоа што искрено верувам дека нашата земја е во криза, изјави тој вчера, на почетокот на својот маратонски говор.
Обраќањето на сенаторот од Њу Џерси го урна рекордот од 1957 година, поставен од Стром Тармонд – сенатор од Јужна Каролина, поддржувач на расната сегрегација, кој се спротивставуваше на историски закон за граѓанските права и зборуваше во пленарната сала 24 часа и 18 минути.
Симболично, малку пред да го надмине овој рекорд, Кори Букер со емотивен и изморен глас ги потсети на зборовите на еден од неговите ментори – Џон Луис, емблематична фигура на движењето за граѓански права од 60-тите години.
Сенаторот го искористи слоганот на поранешниот демократ во Конгресот, кој почина во 2020 година, за да ги повика Американците да предизвикаат „немири, добри немири“ во општеството како одговор на политиките на Доналд Трамп.
– Овде не станува збор за лево или десно. Ова е прашање на добро и зло. Америка, ова е морално прашање: дали Уставот живее во твоето срце?, изјави сенаторот малку откако го постави новиот рекорд.
Тој конечно го предаде зборот во 20:05 часот по локално време, откако зборуваше 25 часа без прекин.
ИЗДВОЕНИ
Трамп воведе царини од 33% за Македонија!
Жена повредена во сообраќајна несреќа на „Партизанска“: Кривична пријава ќе биде поднесена против 26-годишникот кој удрил во неа
Трамп и се обрати на нацијата: На полноќ стапуваат на сила царините од 25 отсто за сите автомобили од странско производство
„НИ ГИ УКРАДОА ИЗБОРИТЕ СО СКАНДАЛОЗЕН МАНЕВАР“: Ле Пен го „преспа“ шокот од пресудата, денеска тргна во контранапад
