На платото на Центарот за култура „Трајко Прокопиев“, односно на плоштадот „Маршал Тито, в среда во 11:30 часот, по 17 пат ќе се одржи една од најпопуларните предновогодишни манифестации во Куманово – „Дедо Мраз на мотор“.
Манифестацијата е во организација на мото клубот „Мечки“. И годинава мотото на клубот е „Тажните најубаво се смеат“, а целта останува иста, носење подароци за лицата со посебни потреби.
– Ве покануваме, сите наши поддржувачи и пријатели, добри и хумани луѓе на 25 декември заедно да ги израдуваме децата од дневниот центар за лица со посебни потреби. Во 11:30 часот ќе бидеме на градскиот плоштад „Маршал Тито”, пред Домот на културата во Куманово, со нашите пријатели на мотор, маскирани како Дедомразовци, и како секогаш ќе делиме изненадувања за најмалите – информираат од мото клубот „Мечки“.
Во 12:45 часот, моторџиите ќе тргнат од градскиот плоштад со дефиле низ улиците, за да по 15 минути пристигнат пред Дневниот центар за лица со посебни потреби каде што на штитениците ќе им однесат подароци и новогодишни пакетчиња.
ИЗДВОЕНИ
ЧЕКАЛО ДА БИДЕ НАЈДЕНО ВО ФИОКАТА: Трамп затекнат – Бајден му оставил тајно писмо
„Го сакам рускиот народ и Путин, но…“: Трамп објави детали за санкциите со кои и се закани на Русија ако не постигне договор со Украина
Клековски оптимистичен: Очекува до крајот на јануари да ги има сите лекови на Онкологија
Нема повисоки плати за функционерите, ќе останат покуси за 330 евра!
