Едгар Давидс десет години даваше брилијантни настапи на големата сцена, а неговата клупска кариера е доста импресивна.
Се започна во Ајакс кога ја освои Лигата на шампионите и стана светска ѕвезда. Поранешниот репрезентативец на Холандија е еден од ретките кои играле за Милан, Интер и Јувентус, а беше и член на Барселона.
Препознатлив по агресивната игра, големата борбеност, многу силниот шут, Девидс секако беше меѓу најдобрите играчи од средниот ред на својата генерација.
Малкумина беа оние на кои им беше дозволено да ја преминат неговата линија, тој немаше проблем да влезе во конфликт, не беше скршен ниту поради проблемите со очите.
Поголемиот дел од својата кариера го помина носејќи очила, кои станаа негов заштитен знак и поради нив тој остана посебно запаметен во светот на фудбалот.
Зборувајќи за најтешките противници Давидс го избра Чави Хернандез и неговиот сонародник Андрес Иниеста.
“Чави Хернандез и Андрес Иниеста ме излудеа. Играв со нив и против нив. Можам да ви кажам една работа за нив”, започна Холанѓанецот и продолжи:
„Во моите најдобри години можев да го исцедам секој играч на светот. Само тие двајца лудаци можее да одолеат на мојот стил на игра. Двајцата одлично ја одиграа играта на позиција и посед. Беше невозможно да се помириса топката кога играа двајцата“, изјави Давидс.
Чави беше на почетокот на кариерата додека Давидс беше во најдобрите години, а двајцата поминаа половина сезона заедно во дресот на Барселона. Во тоа време член на каталонскиот тим беше и Иниеста.
Давидс заврши со сериозен фудбал во 2007 година, токму кога Иниеста и Чави почнаа да доминираат на меѓународната сцена…
ИЗДВОЕНИ
КРВАВ КАРНЕВАЛ ВО ГЕРМАНИЈА: Делови од тела и детски чевли расфрлани по улица, убиецот не и бил познат на полицијата, но има други сознанија за него
Сијарто на средбата со Муцунски: Унгарија и Македонија го поддржуваат мирот во Украина
ЕУ тргна во мобилизација, но ќе чека дали Трамп ќе даде „остав“ во НАТО
И платите во приватниот сектор да се зголемат за 100 евра
