Руската тенисерка Дарија Касаткина (27) одлучи да игра во иднина под знамето на Австралија. Таа не е првата Русинка што направи ваков потег, особено поради тоа што не им е дозволено на спортистите од најголемата земја во светот да се натпреваруваат под знамето и симболите на својата земја, од конфликтот во Украина. Таа и пред тоа беше против многу политички потези на претседателот Владимир Путин.

Касаткина моментално е 12. во светот и има освоено вкупно осум титули во кариерата, додека со Русија го има и трофејот во Фед купот од 2021 година.

Но, на нејзината одлука не влијаеше само конфликтот со Украина туку и нејзината сексуална определба. Имено, таа доби многу критики кога призна дека има девојка. Се пресели во Дубаи, „флертувајќи“ и со Шпанија, за на крајот да земе австралиски пасош. Инаку, според правилата, таа нема да може да игра како репрезентативка за Австралија.

  • Луѓе од ист пол никогаш нема да одат таму држејќи се за рака. Никогаш нема да се случи тоа, барем не според моменталната ситуација. Имаше напредок во оваа смисла пред неколку години, кога се одржа Светското првенство во фудбал. Но, ништо не се промени. Среќна сум што можам да ве известам дека мојата апликација за трајно државјанство е прифатена од австралиските власти. Ја сакам Австралија, секогаш ме пречекува и во неа се чувствувам како дома. Го сакам Мелбурн и со нетрпение очекувам да го направам мојот дом. Горда сум што можам да објавам дека Австралија ќе биде мојот нов дом во професионалната тениска кариера. Донесувањето на оваа одлука не беше лесно, јас секогаш сум им благодарна на сите што ме поддржуваат. Горда сум што започнувам ново поглавје под австралиското знаме. Ви благодариме на сите за поддршката и за разбирањето – изјави Касаткина.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ