Адвокатот Милинко Јовановиќ, кој го брани Радослав Драгијевиќ, обвинет дека им помогнал на синот Дејан и неговиот колега Срѓан Јанковиќ да го сокријат телото на Данка Илиќ (2), по потврдувањето на обвинението од Вишиот суд во Заечар, најавува дека ќе поднесе жалба до Апелациониот суд во Ниш во законски рок од три дена.
– Реално, ова е смешно! Нема ниту еден доказ дека обвинетите се виновни. Според обвинението, малата Данка треба да се третира како исчезнато лице. Го застапувам Радослав Драгијевиќ, кој во обвинението е обвинет дека помогнал да се сокрие телото. Ќе побарам, а верувам и моите колеги, обвинението да биде отфрлено! Значи, прво ќе барам од Апелација да ја прекине постапката, а како второ ќе барам обвинителниот акт да се врати на дополнение во јавното обвинителство – вели адвокатот Милинко Јовановиќ, за српските медиуми, додавајќи дека обвинението е поднесено и потврдено и покрај тоа што нема ниту еден доказ за смртта на девојчето.
Рокот за жалба до Апелациониот суд е три дена, а со оглед на тоа што е викенд, последен ден во овој случај е понеделник. Постапката е таква што адвокатите го поднесуваат целиот случај со жалба до Вишиот суд во Зајечар, а Вишиот суд го проследува до Апелациониот суд во Ниш.
Адвокатот Живадин Богдановиќ кој го брани обвинетиот Срѓан Јанковиќ изјави дека во моментов не може да го коментира случајот.
ИЗДВОЕНИ
„РАЦЕТЕ ПОДАЛЕКУ ОД ЕВРОПА“ – Макрон со жестока порака до Маск: Милијардерот се меша во изборите и ја „турка“ на власт екстремната десница
Сиљановска Давкова: Никогаш не би направила такво нешто – да употребам вето за да навредам некој јазик
Централната литургија по повод празникот Божиќ во Соборниот храм/ФОТОГАЛЕРИЈА
МИР БОЖЈИ, ХРИСТОС СЕ РОДИ! Го славиме најрадосниот христијански празник, РАЃАЊЕТО НА ИСУС ХРИСТОС!
