„Дали мислите дека играчите кои играат во двојки се ѓубре“

Променетиот формат во мешани двојки на грен слем турнирот САД Опен е „голема неправда што не ги почитува тенисерките“, обвинуваат актуелните шампиони Италијанците, Сара Ерани и Андреа Вавасори. Во вторник, последниот грен слем турнир во годината објави дека натпреварот во мешани двојки, кој ќе понуди награда од милион долари за победниците, е закажан за 19-20 август – една недела пред почетокот на турнирот. Форматот на натпреварувањето е променет, а учествуваат 16 пара – половина од 32 колку што имаше минатата година.

Процесот на квалификации исто така беше променет, при што осум парови добија директен влез преку нивниот комбиниран пласман во сингл – наспроти нивниот комбиниран пласман во двојки. Останатите осум пара ќе бидат вклучени со покана.  САД Опен објави дека промените биле воведени по успехот на изложбениот настан „Mixed Madness“ одржан во пресрет на минатогодишниот турнир, кој спои голем број индивидуални играчи од висок профил во тимови.

„Донесувањето одлуки засновани исклучиво на логиката на профит е длабоко погрешно во некои ситуации. Мислите дека играчите кои се натпреваруваат во двојки се ѓубре“, изјавија Италијанците Ерани и Вавасори, кои ги победија Тејлор Таунсенд и Доналд Јанг и ја подигнаа минатогодишната титула во мешани двојки.

„Во последните неколку недели добивме вести дека турнирот во мешани двојки на САД Опен ќе биде целосно превртен, откажан или ќе биде фокусиран само на забава и шоу. Ова го гледаме како длабока неправда што не почитува цела категорија играчи.

Тениската асоцијација на САД (УСТА) соопшти дека ги разбира повратните информации од играчите во двојки. „Признаваме дека промената е тешка, но генерално веруваме дека ова ново дизајнирано првенство во мешани двојки ќе им даде поголема видливост на мешаните двојки и ќе обезбеди поголема можност да инспирираме повеќе луѓе да играат и да го развиваат спортот“