Состојбата на повредените во несреќата во Нови Сад е многу сериозна, изјави денеска министерот за внатрешни работи Ивица Дачиќ и изјави дека во саботата биле сослушани 26 лица, а денеска ќе бидат сослушани уште пет лица.
„Само тројца од 17-те кои беа под настрешницата преживеаја и нивните повреди се многу сериозни. На еден од нив, маж роден 2006 година, му беа ампутирани нозете до глуждовите, на жена родена во 2000 или 2001 година и беа ампутирани нозете, додека на третото лице во Ургентниот центар му е ампутирана раката“, изјави Дачиќ за РТС.
Гостувајќи на Радио и телевизија на Србија (РТС), Дачиќ рече дека последиците од несреќата биле такви бидејќи бетонската настрешница била исклучително тешка.
Во несреќата што се случи на 1 ноември загинаа 14 лица, а причината за падот на настрешницата се уште не е позната.
