Според директорката на Државниот инспекторат за животна средина, Ивана Гиновска, дека загадување на водата нема повеќе од дозволеното и дека градоначалникот на Крива Паланка, Митовски, објавувал непрецизно толкувани резултати од анализата што ја побарала општината, откако на 14 март технолошка вода се излеа во Крива Река, од пукната цевка во рудникот „Тораница“.
Според Гиновска, градоначалникот Митовски покажал повеќе загриженост за неговиот мандат без да побара соработка, и рече дека за него ќе побара кривична одговорност. – „Екоцид“ не се докажува со земање еден литар вода од едно место. Цијанид над дозволеното нема, а за ширење на паника се одговара кривично. Овој случај ќе има правна разрешница, а јавноста ќе биде запознаена со сите мерки кои ќе ги преземе инспекторатот, порача Гиновска
Директорката на Државниот инспекторат за животна средина, Ивана Гиновска, рече дека цијанид во Крива Река нема над дозволеното ниво и дека градоначалникот на Крива Паланка, Сашко Митовски, ширел паника. Според неа, Митовски објавувал непрецизно толкувани резултати од анализата што ја побарала општина Крива Паланка, откако на 14 март технолошка вода се излеа во Крива Река од пукната цевка во рудникот „Тораница“.
Според Гиновска, градоначалникот Митовски покажал повеќе загриженост за неговиот мандат без да побара соработка, и рече дека за него ќе побара кривична одговорност.
– „Екоцид“ не се докажува со земање еден литар вода од едно место. Цијанид над дозволеното нема, а за ширење на паника се одговара кривично. Овој случај ќе има правна разрешница, а јавноста ќе биде запознаена со сите мерки кои ќе ги преземе инспекторатот – порача Гиновска и најави дека сите анализи што ќе ги добие ДИЖС ќе ги достави до ОЈО Куманово, кое веќе отвори предмет за овој еколошки инцидент.
Митовски претходно откри дека во водата на Крива Река има десет пати поголема концентрација на олово и стотици пати повеќе цијанид, азот и фосфор по инцидентот на 14 март.
Гиновска призна дека државните инспектори не реагирале веднаш и не земале мостри од водата по хаваријата, по што таа самата иницирала испитување.
– Државните инспектори самостојно работат во својата проценка дали ќе земат мостри во тој момент. Тоа е точно дека не земале мостри, но јас како директор ги побарав сите досегашни испитување и ќе бидат доставени до ОЈО Куманово, кое веќе отвори случај за овој еколошки инцидент. Работам на екипирање на инспекторатот, со зголемување на бројот на инспектори и тренинзи за моменти кога ќе дојде до вакви сериозни ситуации, а се работи и на набавка на најсовремени инструменти за мострирање – истакна таа.
ДИЖС прво ќе го почека официјалното вештачење, по што, како што истакна Гиновска „ќе видиме дали ќе има кривична пријава за „Булмак“.
Со реакција за настанот излезе ВМРО-ДПМНЕ и тие побараа градоначалникот Митовски кривично да одговара за ширење паника во јавноста. Од партијата посочија дека Митовски свесно ширел паника за да собере политички поени.
– Градоначалникот на Крива Паланка од редовите на СДСМ, Сашко Митовски, велеше дека за 100 пати над дозволеното имало цијанид во водите на Крива Река. За овие изнесени лаги и ширење на паника меѓу сограѓаните, кривично се одговара. Митовски за политички поени во пресрет на локалните избори, свесно ширел паника и невистини во Крива Паланка. Сепак, за среќа, на жителите на Крива Паланка, но и на граѓаните на Македонија, цијанид во Крива Река нема над дозволеното – реагира ВМРО-ДПМНЕ.
