Црните кутии од урнатиот авион на Азербејџан ерлајнс ќе бидат испратени во Бразил за истрага

Црните кутии од авионот на Азербејџан ерлајнс што се урна во средата во Казахстан ќе бидат испратени на истрага во Бразил, каде што се произведени.

– Комисијата за истражување на несреќи одлучи да ги испрати рекордерите на летот (црните кутии) до Центарот за истражување и превенција на аеронаутички несреќи (ЦЕНИПА) на Бразил, кој е и земја на производителот на авионот Ембраер – се наведува во соопштението. на казахстанското Министерство за транспорт, објави порталот казинформ.

Центарот ЦЕНИПА располага со лабораторија со потребни технички можности, опремена со соодветни алатки и сертифицирана за нивно проучување, пренесува казинформ.

Ова прашање го надгледува лично претседателот на Азербејџан, Илхам Алиев.
Авионот на Азербејџан ерлајнс се урна на 25 декември во близина на Актау.

Во авионот имало 67 лица, меѓу кои и пет членови на екипажот.

Во несреќата загинаа 38 патници, меѓу кои и шест државјани на Казахстан.