Чиста емоција преточена во музика – „Јовано, Јованке“ во изведба на музичкиот мастер Стјепан Хаусер/ВИДЕО

Светски познатиот виртуоз на виолончело, Стјепан Хаусер препознатлив по своите страсни изведби, го започна својот најголем и најхрабар проект досега „Музиката го обединува светот“ (Music Unites the World).

Како дел од овој проект, Хаусер ја отсвири македонската песна „Јовано, Јованке“, за да ја претстави нашата земја со оваа песна.

Овој проект на Хаусер не е само музичко патување, туку глобален манифест на единство, доказ дека музиката не познава бариери или поделби. За прв пат во историјата, еден изведувач ќе изведе препознатлива песна од секоја земја во светот, потврдувајќи го она што љубителите на музиката одамна го знаат. Музиката е универзален јазик што го разбира секој, без разлика на потеклото, културата или јазикот.

 

View this post on Instagram

 

A post shared by HAUSER (@hausercello)

“Сакам да докажам, еднаш засекогаш, дека музиката ги поврзува и обединува секоја нација, секоја култура и секој човек на оваа планета. Затоа решив да отсвирам по една песна од секоја земја. Проектот нема да престане додека не отсвирам песна од секој агол на светот”, рече Хаусер, на почетокот на овој проект.