Чимаев: Секој што ќе ме победи ќе добие милиони

Шведскиот ММА борец со руско потекло, Хамзат Чимаев, најави нешто многу интересно. Тој е еден од најдоминантните борци во УФЦ, особено кога станува збор за издржливост, сила и кондиција.

Чеченецот, кој долго време живее во Шведска, моментално се натпреварува во средна категорија (до 85 килограми), додека претходно се натпреваруваше во полусредна категорија (до 77 килограми). Во досегашните 14 професионални натпревари запиша исто толку победи.

Последен пат се бореше во септември минатата година, кога импресивно го победи поранешниот шампион Роберт Витакер, принудувајќи го да се предаде уште во првата рунда.

Покрај исклучително доминантното борење, Чимаев е познат и по долгиот јазик, како и честата „прозивка“ кон другите борци во неговата категорија.

Сега руските медиуми објавија интересен детаљ за неговиот тренинг. Чимаев на своите спаринг партнери им нуди награда од милион рубљи (околу 10.000 евра) ако некој го победи или го натера да се предаде.

• Секој што ме натера да тропнам (да се предаде со тапкање со раката во октагонот), добива милион рубљи од мене. Тоа не се случило многу долго време. Кога тренирам со помлади борци, понекогаш намерно им дозволувам да ме фатат „на спиење“, но кога ќе се борам сериозно, тогаш им нудам награда на сите. Ги поканувам сите што мислат дека можат да ме победат да дојдат и да се обидат, порача Чимаев.