БТА: Осум повредени во пожарот во дискотеката во Кочани се во болницата Пирогов, нивната состојба е тешка

Во Пирогов се примени вкупно осум лица повредени во пожар во дискотека во Република Северна Македонија, од кои тројца се на возраст под 18 години, изјави директорот на Н. И. Пирогов“ д-р Валентин Димитров за БТА.

Тројца од примените се на возраст под 18 години – две девојчиња и едно момче, а останатите – четворица мажи и една жена, се на просечна возраст од 22-25 години. Најстариот пациент има 31 година.

Нивната состојба е сериозна, имаат лезии на телото, горните екстремитети и лицето, како и горните и долните дишни патишта, што дополнително ја усложнува нивната состојба. Според д-р Валентин Димитров, три од жртвите се интубирани, а останатите чекаат дополнителна проценка на нивната состојба и план за лекување. Се што е потребно ќе се направи, болницата има се што е потребно, додаде д-р Димитров. Сите пациенти се пренесени во Пирогов во тежок термички шок – состојба која е многу тешка за секој организам и колку и да реагираме брзо, тоа се фактите, додаде тој.

Центрите за крв во Софија, Пловдив и Стара Загора одговорија на потребата на болницата од крв, но крводарители во земјава секогаш се потребни и не треба да престанат со иницијативите за дарување крв, повика д-р Димитров.

Претстојат средби и со роднините на пациентите кои беа пренесени од Кочани, Република Северна Македонија, додаде тој.

Уште шестмина од повредените се примени во поморската болница во Варна и во болницата „Свети Ѓорѓи“ во Пловдив.

Вкупно 59 лица загинаа, а 155 се повредени во пожарот во дискотека во Кочани, Северна Македонија, соопшти вчера министерот за внатрешни работи Панче Тошковски на прес-конференција што ја пренесува агенцијата МИА.

Бугарија се обврза да прифати 14 лица на лекување.