Британската монархија претрпе удар оваа недела откако Јамајка усвои закон со кој кралот Чарлс повеќе нема да биде симболичен шеф на државата; оваа карипска земја станува република, пренесува Блумберг.
Министерката за правни и уставни прашања на Јамајка, Марлен Малаху-Форте, во вторникот го претстави законот за Република Јамајка, велејќи дека тој претставува најголем напредок досега во напорите за постигнување на националните цели.
– Ќе имаме Јамајканец за шеф на државата наместо наследената британска монархија – рече Малаху-Форте.
Јамајка со години размислуваше да ја напушти британската монархија, но овој политички проект беше оживеан во 2021 година кога Барбадос, првата земја што ги прекина врските со британската круна, стана република во 2021 година.
