Државната секретарка на Министерството за финансии на Обединетото Кралство се пријавила во етичкиот надзор на владата на ОК по извештаите дека живеела на имот во Лондон поврзан со нејзината тетка Шеик Хасина, сменетата премиерка на Бангладеш.
Премиерот Кир Стармер изјави денеска дека државната секретарка Тулип Сидик (42) „постапила апсолутно правилно“.
Минатиот месец, Сидик беше именувана во антикорупциска истрага против Хасина во Бангладеш.
Истрагата тврди дека Сидик била вмешана во посредување во договорот со Русија во 2013 година за нуклеарна централа во Бангладеш, кој проневерил големи суми пари.
Министерката се соочи со дополнителни прашања за нејзините врски со режимот на Хасина, откако „Сандеј тајмс“ и „Фајненшл тајмс“ објавија дека користела два станови во Лондон што ѝ ги дале соработниците на Авами лигата на Бангладеш на Хасина.
Хасина беше најдолготрајната премиерка на Бангладеш и владееше 15 години до август 2024 година, кога беше соборена од власт во време на масовен бунт во кој загинаа стотици демонстранти, а илјадници беа повредени.
Хасина, која побегна во Индија, се соочува со бројни правни постапки, вклучително и некои за обвиненија за злосторства против човештвото.
Сидик тврди дека не направила ништо лошо и дека сака „фактите за нејзиниот случај да се утврдат независно“.
ИЗДВОЕНИ
Трамп: Ќе се случи пекол ако Хамас не ги ослободи заложниците до инаугурацијата на 20 јануари
„РАЦЕТЕ ПОДАЛЕКУ ОД ЕВРОПА“ – Макрон со жестока порака до Маск: Милијардерот се меша во изборите и ја „турка“ на власт екстремната десница
Сиљановска Давкова: Никогаш не би направила такво нешто – да употребам вето за да навредам некој јазик
Централната литургија по повод празникот Божиќ во Соборниот храм/ФОТОГАЛЕРИЈА
