Британската полиција денеска соопшти дека имало инцидент во градот Саутпорт во кој маж повредил неколку лица со нож, но не се знае дали има жртви.
Тој, наводно, е уапсен, но полицијата ги повика локалните жители да ја избегнуваат областа околу местото на инцидентот на улицата Харт, пишува Sky News.
Од полицијата потврдија дека добиле дојава дека имало инцидент и ранување со нож, како и дека има повеќе повредени.
Една жена која живее во близина изјави за весникот „Ливерпул Ехо“ дека жителите меѓусебно се предупредиле на групите „Ватсап“ да ги заклучат прозорците и вратите по извештаите дека маж „трча наоколу прободува луѓе“.
