Еден од можните кандидати за Маркус Рашфорд, кој падна во немилост во Манчестер Јунајтед – Борусија Дортмунд, се откажа од можноста да го привлече левото крило, пренесува новинарот на „Скај Германија“ Патрик Бергер.
Вчера токму германската телевизија објави дека „жолто-црните“ размислуваат дали да го земат на изнајмување до крајот на сезоната поранешниот англиски интернационалец.
Сепак, според денешните информации, клубот на крајот се откажа од таков потег, бидејќи таквата зделка би се покажала премногу скапа. Рашфорд инкасира годишна плата од 14 милиони евра.
Од друга страна, преговорите со Милан напредуваат откако братот на играчот, кој е негов агент, пристигна во Италија по повод неговиот евентуален трансфер на „Сан Сиро“. Според некои локални медиуми, 27-годишниот играч е подготвен да ја намали платата за да ја олесни преселбата кај „росонерите“, кои исто така сметаат на „црвените ѓаволи“ да покријат дел од неговата плата.
ИЗДВОЕНИ
Сиљановска Давкова: Предлогот на Костадинов е непристоен и значи непочитување и непризнавање
Јаневска: Мора да запре изработката на нарачани магистерски и докторски трудови за пари
Рендген-снимањата недостапни за скопјани, нема термини за итните упати
Станбениот квадрат стана поскап од златото, цената ќе се урива со новите државни станови!?
