Борко Ристовски со поддршка за спортистите што ќе ја претставуваат Македонија

Министерот за спорт, Борко Ристовски, се сретна со стручниот тим и со дел од младите спортисти што ќе ја претставуваат Македонија на Светската и на Европската гимназијада за основните и за средните училишта, кои ќе се одржат од 4 до 14 април 2025 година, на Златибор во Србија.

Ристовски им посака успешен настап на претстојната Гимназијада, истакнувајќи дека младите спортисти секогаш ќе ја имаат поддршката од Министерството за спорт.

• На нашите млади спортисти им посакувам да имаат успешен настап и силен мотив да го дадат својот максимум и со гордост да ја претстават Македонија на претстојната Гимназијада на Златибор. Министерството за спорт секогаш ќе биде на страната на спортот и ќе им дава поддршка на младите таленти, бидејќи тие се иднината на македонскиот спорт – рече министерот Борко Ристовски.

Настапот на младите македонски спортисти на Гимназијадата на Златибор е под покровителство на Министерството за спорт, во соработка со Сојузот на спортски федерации на Македонија и Федерацијата на училиштен спорт на Македонија.

Македонските спортисти ќе настапат во следниве спортови:

– кошарка (машки тим – Европска гимназијада за средните училишта);

– одбојка (машки и женски тим – Европска гимназијада за средните училишта);

– атлетика (Светска гимназијада за основните училишта);

– пинг-понг (Светска гимназијада за основните училишта).

Се очекува на Гимназијадата на Златибор да настапат над 4.000 спортисти од 55 земји.