Постојано се поставуваат прашања за начинот на кој безбедносните служби на Киев дошле до висок руски воен офицер и го ликвидирале во руската престолнина.
Кирилов, исто така, организираше една од најозлогласените кампањи за дезинформација против Украина од избувнувањето на конфликтот. Тој беше најпознат ширум светот по обвинувањата дека Западот се обидува да употреби неконвенционално биолошко оружје против Русија. Кирилов тврдеше дека „Пентагон се обидува да воведе популации на мали животни кои го носат вирусот ХИВ и Хепатитис Б во Русија“ и рече дека оттаму се подготвуваат да ослободат роеви „воени комарци“ кои ќе ги заразат Русите.
Генералот ги обвини САД дека подготвуваат „нова пандемија барајќи мутации на вируси“ и дека имаат намера „да организираат провокација во Украина користејќи токсични материи и да ја обвинат Русија во тој процес“, пишува БиБиСи.
Кирилов изнесе неосновани тврдења за бројните биолошки лаборатории што САД наводно ги градат во различни земји од поранешниот Советски Сојуз и ги обвини дека ја попречуваат истрагата за потеклото на пандемијата „Ковид-19“.
Тој исто така беше доста продуктивен во тие обвиненија. Ниту еден друг шеф на огранок на руската војска не даваше изјави за печатот толку често како тој.
На денот на атентатот, како што пренесуваат медиумите, Игор Кирилов имал во план да одржи прес-конференција.
Последици за Путин
Самиот факт што доверливи извори во украинската безбедносна служба веќе ја презедоа одговорноста за овој напад во срцето на руската престолнина, исто така покажува уверување дека нивните агенти навистина успеале да обезбедат сигурни рути за повлекување.
Вообичаено, безбедносните служби не брзаат да преземат одговорност бидејќи се обидуваат да избегнат дополнително загрозување на нивните агенти.
Убиството на генералот се случи еден ден по состанокот на Министерството за одбрана, на кој претседателот Владимир Путин и министерот за одбрана Андреј Белоусов зборуваа за тоа како руската војска го забрзува својот напредок кон победата во војната со Украина.
Тоа се случи само еден ден пред редовното годишно појавување на Путин во телевизиското шоу Direct Line, каде што се очекува да ги увери Русите дека сè оди според планот и дека западните санкции само помагаат во развојот на земјата.
Поранешниот разузнавач на службата Ступак вели дека атентатот нема да го промени текот на настаните на Покровскиот фронт, каде што напредуваат руските сили, но ќе направи тврдењата на Путин да звучат шупливо за рускиот народ и може да резултира со одмазднички операции во Киев.
„Тоа е повеќе ПР удар за Русија. Замислувам дека офицерите на нивните тајни служби имаа непроспиена ноќ додека нивните шефови постојано им викаа со истото прашање: „како може сето ова да се случи во Москва?“.
