Бидете максимално внимателни! Се шири нов тренд на апликациите

Негативните трендови за запознавање, особено оние на интернет, можат да ги уништат врските на кое било ниво, па затоа е секогаш најдобро да ги засечите во корен наместо да губите драгоцено време.

Имено, на апликациите за запознавање се појави нов тренд во кој несвесно запаѓаат се повеќе луѓе. Познат е како kitten-fishing, што е поблага верзија на catfishing. Можеби звучи смешно, но нема врска со мачки.

За оние кои не знаат што е catfishing, тоа е кога некое лице создава лажен онлајн профил со цел да измами некого, без разлика дали сака да продолжи со пријателство или врска. Луѓето го прават тоа користејќи лажни фотографии и информации, па дури и одат дотаму што разговараат со други преправајќи се дека се сосема друга личност.

Разликата помеѓу catfishing и kitten-fishing е во тоа што последната варијанта вклучува малку поблаг тип на лага, но сепак е измама.

Обично не се работи за лажен идентитет, туку за лажење за возраста, висината, користење на стари фотографии. Значи, навидум безопасни лаги, така што луѓето кои се претставуваат на овој начин на потенцијалните партнери им презентираат малку подобра верзија од себе.

Состанувањето преку Интернет е суров свет, и иако е неверојатно лесно да се сокријат потенцијалните недостатоци на интернет, луѓето забораваат дека ако работите одат во вистинската насока, мора да ја запознаат личноста што сте ја погрешно информирале во реалниот свет.

Можеби ќе можете да договорите состанок со мали измами, но кога ќе се сретнете, таквата практика може да ве спречи да развиете нешто повеќе. Затоа започнувањето на таква врска не може да помогне да се изгради доверба.

Запознав човек кој рече дека е повисок од тоа што е. Затоа мојот прв впечаток кога го запознав беше дека лаже. Не ми пречеше неговата висина, но ми пречеше лагата“, го раскажа своето искуство психологот Елис Робин.

Како да препознаете kitten-fishing?

Недоследности во деталите – Контрадикторните детали во нивните приказни можат да ги разоткријат, како што можат да избегнуваат да одговараат на прашања за нешто за што тврдат дека ги интересира.

Недостаток на информации – таквите луѓе може да скријат одредени информации за нивната работа или живот кога ќе прашате, што повторно е сигнал дека нешто кријат.

Се претставуваат нереално – Ако изгледаат премногу добри за да бидат вистинити, тогаш веројатно и ова е сигнал.