Српскиот тенисер Новак Ѓоковиќ имаше неуспешен кам-бек на тениските терени, откако по повредата на Австралија опен поради која мораше да го предаде полуфиналниот натпревар со Германецот Александар Зверев, по нешто помалку од еден месец се врати на АТП турнирите и настапи во Доха. Но, беше експресно елиминиран во првото коло од Италијанецот Матео Беретини со 7:6, 6:2.
„Одиграв два лоши гема во вториот сет. Играв премногу пасивно. Беретини ме шеташе по теренот, диктирајќи го темпото. Предолго чекав да погреши. Му честитам на одличната претстава. Одвреме-навреме имав брилијантни моменти, но под посакуваното ниво. Очигледно, таа повреда и недостатокот на тренинзи со висок интензитет придонесе за моето сомнеж да бидам послаб од тоа“, изјави Ѓоковиќ.
За Беретини ова беше прва победа над Ѓоковиќ по четири порази, од кои три на грен слем турнирите – Ролан Гарос, Вимблдон и САД Опен.
„Одамна сакав да го направам ова. Играв со него на најважните турнири. Работев напорно за да се вратам овде и да бидам на ова ниво. Знам дека моето ниво е високо, само ми требаа вакви мечеви и победи. Работев напорно во претходните месеци и денес сè излезе на виделина. Задоволен сум со мојот настап, уживам овде и тоа е најважно“, рече италијанскиот тенисер.
ИЗДВОЕНИ
Меџити: Минчев да не го копира Апасиев – му се допаѓало или не, правичната застапеност на Албанците е уставна категорија
„Дипломатија на втор колосек“: Тајни средби во Швајцарија за ставање крај на војната во Украина
Сиљановска Давкова: Химната одразува историја и не треба да се менува, менување на грбот се плашам дека ќе предизвика нови страсни конфликти
Со Јоце Панов пред гала концертот за Осми март: „Во туѓина” ги допре срцата на сите нашинци кои се далеку од родната грутка
