Белата куќа ја откажа заедничката прес-конференција закажана за попладнево меѓу американскиот претседател Доналд Трамп и израелскиот премиер Бенјамин Нетанјаху.
„Предвидената прес-конференција со премиерот Бенјамин Нетанјаху и американскиот претседател Доналд Трамп е откажана“, изјави претставник на Белата куќа, пренесе Си-Ен-Ен.
Нетанјаху денеска се сретна со Трамп во Белата куќа, а главна тема на разговорот ќе бидат новите царини што САД му ги воведоа на Израел, соопштија од кабинетот на Нетанјаху.
Најавено е дека двајцата лидери ќе разговараат и за заложниците кои ги држи палестинската милитантна група Хамас, потенцијалните тензии меѓу Израел и Турција во Сирија и напорите за одвраќање на Иран.
