Ливерпул во летото 2022 година одвои дури 85 мил. евра за трансферот на Дарвин Нуњез од Бенфика, но уругвајскиот напаѓач сепак не успеа да ги оправда очекувањата на англискиот клуб.
Секогаш, кога навивачите ќе помислат дека Њуњез игра совршено, напаѓачот обавезно прави неколку катастрофални грешки како што направи неодамна против Астон Вила кога имаше чиста шанса при резултат 2:2.
Поради ова, 25-годишниот фудбалер повторно се најде на удар на навивачите на „црвените“, кои веруваат дека е време клубот да донесе уште еден напаѓач на лето и да се ослободи од Нуњез.
Уругваецот има договор со Ливерпул до летото 2028 година, но како што стојат работите, тој би можел да го напушти „Енфилд“ веќе на лето, а Арне Слот е свесен дека ова би било најдоброто сценарио за клубот откако Нуњез не ги искористи сите можности што му беа дадени оваа сезона.
Ливерпул за Нуњез би можел да бара околу 50 мил. евра, што е значително помалку од она што беше платено, а како што стојат работите нема да имаат проблем да го продадат.
Еден дел од британските медиуми ја пласираа веста дека Нуњез го следи Барселона и дека Каталонците се сериозно заинтересирани да го доведат во својот тим на лето.
Единствен класичен напаѓач во Барселона е Роберт Левандовски, но јасно е дека Полјакот е на залезот на кариерата. Барса сака да донесе некој што би му бил конкуренција следната сезона, а Нуњез наводно е прв избор.
Каталонците би можеле да платат меѓу 50-60 мил. евра, а размислуваат и за размена на играчи доколку Ливерпул е заинтересиран. Барса е подготвена да ги понуди Феран Торес или Ансу Фати за Нуњез.
