Над 20 луѓе се повредени, меѓу кои и трудница и едно дете во тешка сообраќајна несреќа утрово во Нов Белград. Според информациите од српските медиуми, градски автобус влетал директно на постојката и повредил најмалку 20 лица.
Дежурниот јавен обвинител на Третото основно јавно обвинителство Белград, заедно со полициски службеници од Управата за сообраќајна полиција извршија увид на лице место на сообраќајна незгода во која со телесни повреди се здобија повеќе лица. Јавниот обвинител во утринските часови бил известен дека на територијата на општина Нов Белград на улица Гандиева бр.3 на автобуската постојка се случила сообраќајна незгода во која учествувале два автобуса со кои управувала транспортното претпријатие „Стрела Обреновац“.
Според досега утврдените факти, сообраќајната несреќа се случила кога возачот на автобусот кој сообраќал на релација број 601, управуван од државјанин на Шри Ланка С.Н.Е. (роден 1982 година) удрил во предниот дел на автобус кој сообраќал на релација број 45, управуван исто така од државјанин на Шри Ланка Н.Г.Р. (роден 1972 година).
Јавниот обвинител нареди да се изврши тестирање на крвта на учесниците на дрога и алкохол и да се подготви записник од местото на настанот и сите собрани докази во најкраток можен рок да бидат доставени до обвинителството за понатамошна одлука.
