Мал авион денеска се урна во комплекс на челичарница во северна Германија, при што загинаа пилотот и копилотот, соопшти полицијата.
Авионот полетал од аеродромот во Салцгитер-Драјт и се урнал набргу потоа на теренот на челичарницата Салцгитер, потврдил портпаролот на противпожарната служба. Точната причина за несреќата првично беше непозната, но портпаролот на полицијата нагласи дека се претпоставува дека станува збор за несреќен случај, јави агенцијата ДПА.
Fatal Plane Crash at Salzgitter Steel Plant
A Piper Aerostar PA-60-601P crashed in the area of the Salzgitter steel plant shortly after departing from Salzgitter-Drütte Airfield (EDVS). Both individuals on board lost their lives, and the aircraft was destroyed. pic.twitter.com/mkn692e2R6— aircraftmaintenancengineer (@airmainengineer) April 13, 2025
Авионот паднал во тесен простор меѓу две сали и се запалил, изјави шефот на противпожарната служба Арно Зикс. Според него, низ густиот чад можеле да се видат само делови од крилото, а она што останало го опишал како „изгорена челична конструкција“.
Зикс рече дека околу 90 служби за итни случаи биле на местото на несреќата, на околу 50 километри источно од Хановер, и дека болничарите констатирале смрт на двајцата мажи во авионот откако пожарот бил изгаснат.
Портпаролот на Салцгитер рече дека објектите претрпеле само мала штета и дека производството не било засегнато.
Pilot and co-pilot die in small plane crash at German steel plant https://t.co/w6Os4Reazd
— Zicutake USA Comment (@Zicutake) April 13, 2025
