Градоначалничката на Град Скопје, Данела Арсовска распиша јавен оглас за избор на нов директор на скопската Зоолошка градина. Огласот е отворен до 14 август 2024 година.
Сегашниот в.д. директор, Зоран Попов не сакаше да коментира околу распишувањето на огласот за нов директор на Зоолошката градина.
– Јас не сум надлежен да давам изјава во врска со огласот од причина што јас го немам распишано- кусо наведе Попов.
Од Град Скопје до затворањето на весникот од Град Скопје не информираа која е причината за распишување на огласот за избор на нов директор на Зоолошката градина.
Попов за в.д. директор на Зоолошката беше назначен од Арсовска на средината на август минатата година. Тој дојде на местото на Драган Илиевски. Во рок од една година Арсовска постави тројца директори на Зоолошката градина. Прв беше Кристијан Стаменов, па на негово место дојде Драган Илиевски, а потоа Попов.
(А.П.)
