АРМИЈА НА РУСКИ ТЕНКОВИ ПОДГОТВЕНИ ЗА НАПАД! „Ако го направат ова, катастрофата е неизбежна“

По наводното заземање на украинскиот град Торецк, руските сили се подготвуваат да преминат во друг град, а пред нив е голем предизвик. Русите сега се насочија кон Купјанск, кој сакаат да го освојат за да имаат пристап до други клучни градови. Украинците ја зајакнаа одбраната во Купјанск, но експертите предупредуваат дека Кремљ наскоро ќе нареди сеопфатен напад.

Како што соопшти во петокот руското Министерство за одбрана, неговите сили ја презеле контролата врз градот Торецк во самопрогласената Народна Република Доњецк (ДНР). Сепак, еден украински офицер од бригадата на работ на Торецк ги доведе во прашање тврдењата на Москва. Портпаролот на 28-та бригада, Јевхен Алхимов, телефонски изјавил за агенцијата АП дека неговата единица не се повлекла од позициите, што, како што истакна, веројатно би се случило доколку градот навистина паднел во руски раце.

Купјанск, кој се наоѓа во североисточна Украина на само 40 километри од руската граница, се наоѓа покрај реката Оскил и лежи на клучните логистички правци, вклучувајќи патишта и железници.

Овој град во регионот Харков, каде пред војната живееле 26.000 луѓе, е една од главните цели на двете страни.

Руските сили го зазедоа во раните утрински часови на инвазијата во февруари 2022 година, но Украинците го ослободија седум месеци подоцна по смел марш од 90 километри.

Русите го сакаат Купјанск со цел да ги опколат градовите-тврдини што се протегаат низ северниот и источниот дел на Харков и Доњецката област. Украинците се решени да го држат градот, но нивните сили се тенки.

Само три баталјони со по неколку стотици војници го бранат западниот брег на реката Оскил, северно од Купјанск. Самиот Купјански го бранат многу посилни сили, со неколку бригади од по 2.000 војници, пишува „Форбс“. Дали и кога Купјанск ќе падне вторпат може да зависи од тоа дали и кога моќната руска 1-ва гардиска тенковска армија – составена од три дивизии и пет бригади со десетици илјади војници – може да обезбеди поцврста основа на западниот брег на реката Оскил, пишува весникот.

За да се заземе Купјанск, неопходно е да се помине реката Оскил јужно од градот, соопшти Украинскиот центар за одбранбени стратегии (ЦДС).