Откако пожарот речиси ја уништи катедралата Нотр Дам во Париз, археолозите имаа ретка можност да копаат под структурата на зградата за време на петгодишното реновирање и реконструкција и пронајдоа повеќе од 1.000 фрагменти од уметнички дела.
Археолозите имале можност според францускиот закон за превентивна археологија, кој може да се користи „за откривање и преземање научно проучување на археолошки остатоци (на копно и под вода) кои инаку би можеле да бидат уништени со работа за развој на земјиштето, објави Арт њуз. Процесот е започнат во февруари 2022 година.
На тимовите од Националниот институт за превентивни археолошки истражувања, вклучително и еден предводен од Кристоф Бесниер, на кои првично им биле дадени само пет недели да копаат под камениот под на катедралата Нотр Дам, им било дозволено да копаат само 40 сантиметри под подот на иста длабочина како што е основата на скелето.
– Се покажа дека посмртните останки се многу побогати од очекуваното – изјави Бесније за National Geographic.
Експертите пронајдоа дури 1.035 фрагменти од уметнички дела, како и стотина гробови. Многу ковчези, заедно со расфрлани коски, остануваат неидентификувани. Оловниот саркофаг кој се чини дека му припаѓа на поетот Јоахен ди Бел е еден од најважните ковчези.
Истражувачите, исто така, добија подобро разбирање за тоа како катедралата Нотр Дам првично била изградена од занаетчии во средниот век. Средновековните столари користеле приближно 100-годишни дабови долги околу 45 метри, кои биле обликувани со секири.
