Апокалиптични сцени од Шпанија: Неколку загинати и исчезнати во поплавите, запален црвен метеоаларм/ФОТО/ВИДЕО

Од страна на
Вечер
-
23
EPA-EFE/JORGE ZAPATA

Шпанската државна метеоролошка агенција АЕМЕТ прогласи црвен метео аларм во источниот дел на регионот Валенсија.

Неколку безживотни тела се пронајдени во областите погодени од поројните поплави во југоисточна Шпанија, изјави денеска гувернерот на регионот Валенсија.

Тропските дождови предизвикани од студениот воздушен фронт што се движеше низ југоисточна Шпанија во вторникот ги поплавија патиштата и населените области, поради што властите во најтешко погодените области ги советуваат жителите да останат во своите домови, пренесува Ројтерс.

Пронајдени се безживотни тела, но од почит кон семејствата нема да даваме дополнителни информации“, изјави првиот човек на регионот Валенсија, Карлос Мазон.

Националниот оператор за железничка инфраструктура АДИФ ги суспендираше брзите возови меѓу Мадрид и источното пристаниште Валенсија поради последиците од невремето. Исто така, брз воз со 276 патници излета од шините во јужниот регион на Андалузија, но за среќа нема повредени, соопшти регионалната влада.

Интензивните дождови, како што пренесува Гардијан, се препишуваат на феноменот познат како „ладна капка“, што се јавува кога студениот воздух поминува над топлите води на Средоземното море. Оваа состојба создава атмосферска нестабилност, што доведува до обилни дождови.

 

 

 

 

ПОВРЗАНИ ОБЈАВИПОВЕЌЕ ОД АВТОРОТ